外皮烘得非常脆口， 有少少Nuts加提子乾
用番茄打成蓉， 再配合調味而成嘅濃湯，湯面放上三片嫩口雞肉🐓
鵝肝唔單止香，而且食落軟滑， 喺口中慢慢融化， 滲透至口腔每一個角落😋
一個杯仔盛放著食材， 風乾火腿微咸而香， 水牛芝士質感似豆乾，入口味道豐富，有幾種不同滋味👏🏻
主流味道以鹹為主， 而醬汁少少酸甜，味道極佳， 沙律菜新鮮清新毫無草青味，芝士帶出味道
離遠已經聞到松露嘅香味，直撲至鼻腔， 每一條意粉都充滿著松露嘅香味及蟹柳的鮮甜味，意粉韌度剛好，看似普通但味道絕不一般的意粉
肉質味道都非常豐富， 眼扒一切即開， 冇根部， 牛的香甜味漸漸在口腔散發，令到個人好舒服好滿足
而龍蝦肉亦非常之鮮甜，少許自調千島醬及蔬果，令味道更加複雜有趣😁
食完肉眼扒再食呢個T骨牛扒真係返唔到轉頭，T 骨扒除咗油脂分佈更好及味道更香之外，仲有肉質細嫩及肉汁飽滿， 眼扒固然係好食，但呢個T骨牛扒真係冇得頂，絕對會令人留低印象及記住嘅一種滋味👍🏻👍🏻👏🏻👏🏻
而配合紫菜鹽，岩鹽，阿爾卑斯山鹽可以令到牛扒味道更加有層次
士多啤梨味道，中間夾雜果肉及果核，甜中帶酸
朱古力脆批加上雜莓，意外地好食，濃厚朱古力味再加上脆口外皮，令成個感覺更出色
總括而言，Dinner Set C價錢$1100，包括以上咁多款食品，再令外加個T骨已經夠哂4個人份量， 除咗可以享受美食之外， 亦都可以望住呢個無敵大海景， 欣賞一下我哋美麗嘅香港， 如果望住日落享受著食物 ，再慢慢踏入夜晚觀望著夜景，絕對係人生一種必須要經歷嘅點滴👍🏻👏🏻
沒有留言:
發佈留言